www.psalmsvizzer.ch
Psalm Svizzer
Prefaziun da l’editur davart la nova partitura per chor
Il matg 1950 ha mes bab dr. med. Oskar Spörri (1910 – 1965) – medi, musicist e mecen da Wettingen – preschentà ad intgins academichers da Wettingen l’idea d’eriger in monument per il 100avel onn suenter la mort da pader Alberik Zwyssig, il cumponist da l’imni naziunal svizzer. A l’inauguraziun dueva preceder ina messa festiva e cun questa chaschun dueva vegnir represchentada per l’emprima giada ina messa che J. B. Hilber, il dirigent da la chapella da la claustra, avess duì cumponer tenor temas da pader Alberik Zwyssig. Ma l’ovra n’è betg vegnida terminada. Cura che jau hai chattà ils fragments en il relasch da mes bab, als hai jau mess ensemen e cumplettà, ed hai edì la pitschna ovra cun il titel “Messa cun il psalm svizzer“.
Dapi l’emprima represchentaziun l’onn 2004 a chaschun dal 150avel onn suenter la mort da pader Alberik Zwyssig e suenter la registraziun d’in DC, è l’ovra vegnida derasada svelt en tut la Svizra ed ella è era gia vegnida represchentada a l’exteriur. Da nov èn disponibels er arranschaments per chors virils, per chors da dunnas e da giuvenils cun accumpagnament da l’orgla (cun propostas per scursanir).
La nova partitura per chor cuntegna er in Credo – ils fragments da quel han ins chattà il 2007 – e plinavant l’Ave Maris Stella ed il Diligam te Domine. L’ultim ha Zwyssig cumponì per l’installaziun d’in plevon. En cumbinaziun cun in text midà fermamain dal Turitgais Leonhard Widmer è resultà da quel il 1841 il „Psalm svizzer“ ch’è dapi il 1961 l’imni naziunal da la Svizra.
La messa po vegnir accumpagnada d’in ensemble d’instruments a corda e da duas clarinettas. En singulas parts po il chor vegnir rinforzà d’in quartet instrumental che sa cumpona da duas trumbettas e da duas posaunas. Ils solos da las quatter vuschs (sopran, alt, tenor, bass) pon era vegnir chantads da l’entir chor, ils solos en il Gloria (tact 54ss., 64ss. e 74ss.) ed en l’Agnus Dei (tact 1ss. e 17ss.) d’ina mezzosopranista u d’in bariton. Grazia a las differentas pussaivladads da represchentaziun è la messa adattada per servetschs divins simpels e festivs, sco era per occurrenzas cuminaivlas da chors virils u per represchentaziuns da concert u projects (ecumenics) communabels.
Per cumplettar la messa recumond jau mias „Variaziuns davart Diligam te Domine“ per in ensemble d’instruments a corda (quartet).
La partitura cumpletta, la partitura per orgla (incl. chor), las vuschs instrumentalas, il „Carnet da chant per chors virils“, sco er il „Diligam te Domine“, l’„Ave Maris Stella“ e las „Variaziuns davart Diligam te Domine“ pudais Vus empustar sin www.psalmsvizzer.ch/contact.
Wettingen, il mars 2010
Hubert Spoerri
Il matg 1950 ha mes bab dr. med. Oskar Spörri (1910 – 1965) – medi, musicist e mecen da Wettingen – preschentà ad intgins academichers da Wettingen l’idea d’eriger in monument per il 100avel onn suenter la mort da pader Alberik Zwyssig, il cumponist da l’imni naziunal svizzer. A l’inauguraziun dueva preceder ina messa festiva e cun questa chaschun dueva vegnir represchentada per l’emprima giada ina messa che J. B. Hilber, il dirigent da la chapella da la claustra, avess duì cumponer tenor temas da pader Alberik Zwyssig. Ma l’ovra n’è betg vegnida terminada. Cura che jau hai chattà ils fragments en il relasch da mes bab, als hai jau mess ensemen e cumplettà, ed hai edì la pitschna ovra cun il titel “Messa cun il psalm svizzer“.
Dapi l’emprima represchentaziun l’onn 2004 a chaschun dal 150avel onn suenter la mort da pader Alberik Zwyssig e suenter la registraziun d’in DC, è l’ovra vegnida derasada svelt en tut la Svizra ed ella è era gia vegnida represchentada a l’exteriur. Da nov èn disponibels er arranschaments per chors virils, per chors da dunnas e da giuvenils cun accumpagnament da l’orgla (cun propostas per scursanir).
La nova partitura per chor cuntegna er in Credo – ils fragments da quel han ins chattà il 2007 – e plinavant l’Ave Maris Stella ed il Diligam te Domine. L’ultim ha Zwyssig cumponì per l’installaziun d’in plevon. En cumbinaziun cun in text midà fermamain dal Turitgais Leonhard Widmer è resultà da quel il 1841 il „Psalm svizzer“ ch’è dapi il 1961 l’imni naziunal da la Svizra.
La messa po vegnir accumpagnada d’in ensemble d’instruments a corda e da duas clarinettas. En singulas parts po il chor vegnir rinforzà d’in quartet instrumental che sa cumpona da duas trumbettas e da duas posaunas. Ils solos da las quatter vuschs (sopran, alt, tenor, bass) pon era vegnir chantads da l’entir chor, ils solos en il Gloria (tact 54ss., 64ss. e 74ss.) ed en l’Agnus Dei (tact 1ss. e 17ss.) d’ina mezzosopranista u d’in bariton. Grazia a las differentas pussaivladads da represchentaziun è la messa adattada per servetschs divins simpels e festivs, sco era per occurrenzas cuminaivlas da chors virils u per represchentaziuns da concert u projects (ecumenics) communabels.
Per cumplettar la messa recumond jau mias „Variaziuns davart Diligam te Domine“ per in ensemble d’instruments a corda (quartet).
La partitura cumpletta, la partitura per orgla (incl. chor), las vuschs instrumentalas, il „Carnet da chant per chors virils“, sco er il „Diligam te Domine“, l’„Ave Maris Stella“ e las „Variaziuns davart Diligam te Domine“ pudais Vus empustar sin www.psalmsvizzer.ch/contact.
Wettingen, il mars 2010
Hubert Spoerri